កាលពីជំនាន់ Windows 7 Microsoft បានបង្កើតឯកសារ XPS ដែលមានមុខងារប្រហាក់ប្រហែលនឹង PDF
និងកម្មវិធីសម្រាប់បើកមើលឈ្មោះថា XPS Viewer
តែមិនទទួលបានការគាំទ្រនោះទេ
ព្រោះអ្នកប្រើគេមិនចង់ឈឺក្បាលជាមួយប្រភេទឯកសារច្រើនពេកទេ
គេចូលចិត្តតែ PDF មួយមុខគត់។ ឥឡូវនេះកាន់តែងាយស្រួល ព្រោះ
Windows 8 មានកម្មវិធីបើកមើលឯកសារ PDF មកស្រាប់ ដែលមានឈ្មោះថា
Windows Reader។
Windows Reader គឺជាកម្មវិធីដំបូងរបស់ Microsoft
ដែលបង្កើតឡើងសម្រាប់អាន (បើកមើល) ឯកសារ PDF ហើយក៏អាចបើកឯកសារ XPS
បានផងដែរ។ វាមកជាកម្មវិធីដែលនៅក្នុងផ្ទាំង Metro បានរបស់ Windows
8។ រូបរាងរបស់ Windows Reader មើលទៅសាមញ្ញ មានមុខងារតិច
មានប៊ូតុងប្រើប្រាស់ធំៗ សាកសមជាមួយពពួក Tablet ដើម្បីងាយចុចបញ្ជា។
របៀបហៅកម្មវិធី Windows Reader យកមកប្រើ៖
- ចូលទៅ Metro UI រួចវាយពាក្យស្វែងរកក្នុងប្រលោះ Apps ថា Windows Reader។- ចុចលើរូប Windows Reader ដើម្បីបើកកម្មវិធី
******តែបើសិនលើកអ្នកចង់អោយកម្មវិធី Windows Reader ដាក់បង្ហាញ (Pin) ក្នុងផ្ទាំង Metro UI នោះអ្នកត្រូវ៖
- ម៉ៅស្ដាំលើវា ក្រឡេកមើលផ្នែកខាងក្រោមឆៀងខាងឆ្វេងនោះអ្នកនឹងបានឃើញ របាដែលមានពាក្យថា Pin to Start និង Uninstall
- ចុច Pin to Start ដើម្បីដាក់វាចូលក្នុងផ្ទាំង Metro UI (នៅ ក្នុងរូបរបស់ខ្ញុំនេះអ្នកបែរជាឃើញពាក្យថា "Unpin from Start" ទៅវិញ ព្រោះខ្ញុំបានធ្វើ និងដំឡើងវារួចមុនហើយ)
- បន្ទាប់ពីកំណត់ Pin កម្មវិធី Windows Reader រួចហើយសូមចុចប៊ូតុង Windows ដែលមាននៅលើក្ដារចុច ដើម្បីត្រឡប់ទៅកាន់ Metro UI វិញ។
- រមូល (Scroll) រកមើលរូបដំណាង Windows Reader ដែលមានពណ៌ទឹកក្រូច ដើម្បីដឹងថាវានៅទីណា។
នេះជាការបន្ថែមលក្ខណៈសំខាន់មួយ ដើម្បីងាយស្រួលបើកមើល PDF ដោយមិនចាំបាច់ដំឡើងកម្មវិធីបន្ថែមឡើយ។ កម្មវិធី Windows Reader នេះមានមុខងារតិចតួចណាស់ ដែលជាហេតុមិនអាចបំពេញតំរូវការអ្នកប្រើប្រាស់កំរិតខ្ពស់បានទេ តែទោះជាយ៉ាងណាក៏ដោយ ក៏យើងអាចមើល PDF បានភ្លាមៗក្នុងករណីលោកអ្នកមិនបានបញ្ចូលកម្មវិធីបើកមើល PDF ផ្សេងៗ៕
អត្ថបទទាក់ទង៖
- បិទឬបើកផ្ទាំងសួរនាំនៅពេលលុបឯកសារក្នុង Windows 8- របៀបដាក់ Control Panel ចូលក្នុងផ្ទាំង Metro Windows 8
- របៀបបើក ClearType ជួយអោយតួអក្សរដិតច្បាស់ក្នុង Windows 7
- ចម្លងឯកសារពី USB ទៅទុកក្នុងកុំព្យូទ័រដោយស្វ័យប្រវត្តិនិងសម្ងាត់
No comments:
Post a Comment