Sok Kim Eng: បោះពុម្ពឯកសារផ្សេងៗទៅជា PDF

ប្រភពៈ អាក្បាលធំ

នៅក្នុងផ្នែកការិយាល័យ ប្រាកដជាត្រូវការបញ្ជូនឯកសារ មើល និង បោះពុម្ព ហើយមានឯកសារខ្លះត្រូវរក្សាទ្រង់ទ្រាយដើម 100% ដូច្នេះដើម្បីកុំអោយបាត់បង់ទិន្នន័យនៅពេលបោះពុម្ព (Print) ឬក៏មិនចង់អោយអ្នកដទៃកែឯកសារបាន គេត្រូវបម្លែងវាអោយទៅជាឯកសារ PDF សិន រួចទើបយកទៅចែកចាយ ឬបោះពុម្ពជាដើម។

ស្វែងយល់អំពីឯកសារ PDF ៖

PDF : ពាក្យពេញរបស់វាគឺ Portable Document Format ជាឯកសារការិយាល័យមួយប្រភេទដែលអ្នកប្រើមិនអាចធ្វើការកែសម្រួលបាន (មានសិទ្ធិត្រឹមបើកមើល និងបោះពុម្ព)។ បង្កើតឡើយដោយក្រុមហ៊ុន Adobe ប្រើប្រាស់បានគ្រប់ OS មិនថាជាទូរស័ព្ទ ឬកុំព្យូទ័រតូចៗ។ វាគឺជាឯកសារដែលបានមកពីការថតចម្លង (captures) ពីឯកសារផ្សេងៗ មានជា អក្សរ រូបភាព, ។ គេបង្កើត PDF ជាពិសេស ដើម្បីធ្វើជាឯកសារសម្រាប់ បោះពុម្ព ធ្វើជាសៀវភៅទុកអានក្នុងកុំព្យូទ័រ (Ebook) ។

មានកម្មវិធី 3 ប្រភេទសម្រាប់ធ្វើការជាមួយ PDF គឺ៖

កម្មវិធីបង្កើត PDF
កម្មវិធីកែប្រែ PDF
កម្មវិធីបើកមើល PDF

PDF ជាមួយពុម្ពអក្សរខ្មែរយូនីកូដ៖

PDF មានសារៈសំខាន់ណាស់ជាមួយឯកសារការិយាល័យទាំងឡាយណាដែលប្រើពុម្ព អក្សរខ្មែរយូនីកូដ ។ នៅពេលដែលអ្នកបោះពុម្ពឯកសារដែលមានអក្សរខ្មែរយូនីកូដ នោះលោកអ្នកនឹងជួបបញ្ហា Font លោតដៃលោតជើងជាមិនខាន មិនដឹងជាបណ្ដាលមកពីកម្មវិធី ឬក៏ ពុម្ពអក្សរឡើយ ខ្ញុំមិនសូវដឹងដែរ តែអោយតែខ្ញុំ Print ដោយមិនបានបម្លែងវាទៅជា PDF ជាមុនទេនោះខ្ញុំប្រាកដជាជួបបញ្ហា Error ពេល Print ជាមិនខាន។ ដូចនេះខ្ញុំត្រូវបម្លែងឯកសារការិយាល័យផ្សេងៗ អោយទៅជា PDF រួចទើបយក PDF បោះពុម្ពចេញលើក្រដាស។ តើអ្នកជួបបញ្ហាដូចខ្ញុំដែរឬទេ បើជួបបញ្ហាដូចខ្ញុំសូមមើលពីវិធីខាងក្រោមនោះ៖

- ចូលទៅគេហទំព័រ ឯកសារដំរីទឹក រួចទាញយកកម្មវិធី PDFCreator សូមចុចទីនេះ

- ដំឡើងកម្មវិធី PDFCreator រួចស្រេចអស់ហើយ នោះលោកអ្នកនឹងទទួលបានម៉ាស៊ីនពុម្ពឯកសារ PDF សិប្បនិមិត្តមួយ (សូមមើលរូបខាងក្រោម)

- លោកអ្នកអាចធ្វើការបោះពុម្ពចេញជាឯកសារ PDF ដូចអ្នកបោះពុម្ពឯកសារចេញលើក្រដាស់ដែរ តែនេះគឺចេញជាឯកសារ PDF ទុកក្នុងកុំព្យូទ័រវិញ។ ឧទាហរណ៍៖ ខ្ញុំចង់បោះពុម្ពឯកសារមួយជា PDF ដោយខ្ញុំត្រូវបើកឯកសារមួយនោះសិន (សូមមើលរូបខាងក្រោម)

- រួចចុចរើសយកម៉ាស៊ីនបោះពុម្ព PDFCreator ដោយកំណត់មុខងារផ្សេងៗដោយចុច Print Properies នោះនឹងចេញផ្ទាំងអោយយើងកំណត់មុខងារខ្លះ (សូមមើលរូបខាងក្រោម)

- តាប Layout ៖

Orientation: រើសយកក្រដាសផ្ដេក ឬ ក្រដាសបញ្ឈរ

Page Order : បោះពុម្ពពីទំព័រមុខទៅទំព័រក្រោយ (Front to Back)

បោះពុម្ពពីទំព័រក្រោយទៅទំព័រមុខ (Back to Front)

Pages per Sheet : ពង្រួមឯកសារដាក់លើកក្រដាសមួយ ឧទាហរណ៍ ឯកសារដែលត្រូវបោះទំហំក្រដាស A4 យើងរើស យក 2 per Sheet នោះយើងនឹងទទួលបាន ឯកសារពីរក្នុងក្រសារមួយ ដែលតូចជាងមុន 2 ដង ទៅតាមអ្នកកំណត់។ (សូមមើលរូបខាងក្រោម)

- តាប Paper/Quality ៖

Tab នេះសម្រាប់អោយយើងបោះពុម្ពចេញជា PDF ថា មានពណ៌ធម្មជាតិ ឬក៏ សខ្មៅ

អំពីប៊ូតុង Advanced... ៖

នៅក្នុងប៊ូតុង Advanced... មានអោយកំណត់មុខងារសំខាន់ៗជាច្រើនដូចជា៖

+ Paper/Output :

- Paper Size : រើសយកខ្នាតក្រដាស ជាទូទៅគឺ A4 (A4 ជាខ្នាតនៅស្រុកខ្មែរ) , Letter ជាខ្នាតនៅ USA

- Copy Cout : ចំនួនថតចម្លងក្នុងមួយទំព័រ (កន្លែងនេះសូមទុកនៅដដែលព្រោះមិនចាំបាច់)

+ Graphic :

- Print Quality : គុណភាពរបស់រូប បើយកទៅបោះពុម្ពខ្នាតធំគឺ 600dpi បើយកទៅបោះពុម្ពជាមួយម៉ាស៊ីនព្រីន 300dpi . បើយកទៅធ្វើជា PDF ទុកមើលក្នុងកុំព្យូទ័រ គឺ 144dpi, 96dpi, 72dpi ។

+ PostScript Options :

- Mirrored Output : បោះពុម្ពផ្កាប់ (Yes) , បោះពុម្ពផ្ងារធម្មតា (No) ចំនុចនេះមានប្រយោជន៍ចំពោះខាងការងាររោងពុម្ព។

បន្ទាប់ពីបានយល់ អំពីការបង្កើត ឬការបោះពុម្ពចេញជាឯកសារ PDF រួចមកសង្ឃឹមថា ពេលអ្នកជួបបញ្ហាព្រីនឯកសារចេញមកដាច់ដៃដាច់ជើងអក្សរខ្មែរ នោះនឹងបានដោះស្រាយដោយសារការ ផលិតឯកសារជា PDF រួចទើបបោះពុម្ពដាក់លើក្រដាស។

ឯកម្មវិធីដែលងាយស្រួលបើកមើលឯកសារ PDF និងមានទំហំតូចងាយស្រួល Download នោះគឺ កម្មវិធី Foxit Reader ៕

កម្មវិធីដែលអាចបើកមើលឯកសារ PDF បានមាន៖