ពីមុនៗមកដើម្បីឲ្យទូរស័ព្ទដែលដំណើរការដោយ Android អាចមើលនិងសរសេរអក្សរខ្មែរបាន គេត្រូវ Root ហើយបញ្ចូលអក្សរខ្មែរ និង ស្វែងរកប្រភេទក្ដារចុចខ្មែរណាមួយក្នុងហាងកម្មវិធី Play Store) យកមកប្រើ ការធ្វើបែបនេះវាមានការពិបាកបន្តិចដែរ ព្រោះប្រភេទទូរស័ព្ទ Android មិនដូចគ្នាឡើយ របៀប Root និងបញ្ចូលអក្សរខ្មែរក៏តាមហ្នឹងដែរ។
ក្នុងអត្ថបទនេះខ្ញុំសូមបង្ហាញកម្មវិធីក្ដារចុចរបស់ Google ដែលមានក្ដារចុចភាសាខ្មែរក្នុងនោះ ដូច្នេះបើទូរស័ព្ទរបស់លោកអ្នកមិនទាន់អាចឡើងទៅ Android 4.4 បានទេ លោកអ្នកអាចសាកប្រើក្ដារចុចរបស់ Google បានផងដែរ ដោយទាញយកនិងដំឡើងតាមជំហានខាងក្រោម ៖
៙ តម្រូវការប្រើប្រាស់ក្ដារចុច Google សម្រាប់ទូរស័ព្ទ Android ៖
- ទូរស័ព្ទ Android ត្រូវមើលឃើញអក្សរខ្មែរ។
- ទាញយកកម្មវិធីក្ដារចុច Google ជំនាន់ [22 November 2013] ពី : Google Drive ឬ Dev-Host ។ បញ្ជាក់ : សម្រាប់ព័ត៌មាននៃការចេញបន្ទាប់សម័យសូមចូល Play Store ឬក៏ ទៅវេទិកា Xda Developer ។ ទំហំប្រហែល 15MB
៙ របៀបដំឡើង ៖
បើលោកអ្នកទាញយកតាមកុំព្យូទ័រ សូមចម្លងដាក់ក្នុងទូរស័ព្ទ។ បើទាញយកតាមទូរស័ព្ទសូមចូលទៅកម្មវិធីសម្រាប់បើកមើលឯកសារក្នុង ទូរស័ព្ទ (File Manager) ណាមួយរួចចុចដំឡើងកម្មវិធី ក្ដារចុច Google ។- ចុចលើកម្មវិធី >> ជ្រើសឲ្យដំឡើងតាមរយៈ Pakege ឬ Verify
- ចុចឆ្នុច Install រង់ចាំមួយភ្លែត រួចចុច Open
៙ របៀបកំណត់ក្ដារចុច Google ៖
ប្រព័ន្ធដំណើរការ Android អនុញ្ញាតិឲ្យអ្នកប្រើបញ្ចូលបន្ថែម Home screen, Luncher, Theme, icon, ជាពិសេសគឺក្ដារចុចម៉ាសេរី មិនមែនមានត្រឹមតែក្ដារចុច Google ទេដែលមានភាសាខ្មែរ ក្សារចុចដទៃៗទៀតក៏មានភាសាខ្មែរ ហើយស្រួលប្រើជាងក៏ថាបាន។ បន្ទាប់ពីដំឡើងចប់ហើយ យើងមានពីរបៀបដើម្បីដាក់ដំណើរការក្ដារចុច Google ដោយ ៖ + របៀបទី 1 ៖ ការកំណត់តាមផ្ទាំងដែលកម្មវិធីក្ដារចុច Google រៀបចំមកស្រាប់ៗ សូមមើលរូបភាពខាងក្រោម ៖
- ចុចឆ្នុច Get Started >> Enable in Setting
- ធីកយក Google Keyboard >> ចុច OK ដើម្បីបញ្ជាក់
- ចំណុចទី 2 ចុចលើ Swich input methods >> ជ្រើសយក English (US) Google Keybloard
ចូលមកដល់ចំណុចទី 3 នេះជាចំណុចសំខាន់ដែលយើងចូលយកក្ដារចុចខ្មែរមកប្រើដោយ ៖
- ចុចលើ Configure additional languages >> ដកធីកចេញពី Use System language
- បន្ទាប់មករមូរចុះ (Scroll down) រកមើលពាក្យ Khmer (Cambodia) ហើយធីកយក ។
ចំណាំ ៖ ត្រង់កន្លែងនេះ យើងត្រូវធីកលើ English (US) និង Khmer (Cambodia) ដើម្បីឲ្យក្ដារចុចមានភាសាខ្មែរផង និងអង់គ្លេសផង។
រួចរាល់ហើយចេញវិញ ហើយចុច Finish ជាការស្រេច។ ចប់ការកំណត់ក្ដារចុច Google ឲ្យមានក្ដារចុចខ្មែរ និងអង់គ្លេស។ លោកអ្នកអាចបើកកម្មវិធីផ្ញើសារដើម្បីសាកវាយមើលៗ ថាវាមានលក្ខណល្អៗអ្វីខ្លះ។
+ របៀបទី 2 ៖ របៀបនេះគឺយើងត្រូវចូលទៅកំណត់ក្ដារចុច Google ដែលយើងទើបដំឡើងហើយដោយចូលតាម Setting >> រមូលចុះរកមើល Language and input
- ចុចធីកលើ Google keyboard ហើយចុចរូបស្ពឺដែលនៅខាងស្ដាំអក្សរ ដើម្បីកំណត់។
- ចុចលើ Input languages ដើម្បីបន្ថែមក្ដារចុចឲ្យក្ដារចុច Google ។ ហើយដោះធីកពី Use system language
- រមូរចុះ (scroll down) រកមើលពាក្យ Khmer (Cambodia) ហើយធីកយក ។
ចំណាំ ៖ ត្រង់កន្លែងនេះ យើងត្រូវធីកលើ English (US) និង Khmer (Cambodia) ដើម្បីឲ្យក្ដារចុចមានភាសាខ្មែរផង និងអង់គ្លេសផង។
- ជំហានចុងក្រោយយើងត្រូវកំណត់ឲ្យក្ដារចុចខ្មែរបើកមកឃើញមុនគេ ដោយចុចលើ Default ហើយជ្រើសយក Khmer (Cambodia) Google Keyboard ។
- ចប់សព្វគ្រប់ ចូលកម្មវិធីណាដែលអាចវាយអក្សរបាន ឧទាហរណ៍ផ្ញើសារ នោះលោកអ្នកនឹងបានឃើញនិងប្រើក្ដារចុច Google ដែលមានលក្ខណៈដូចក្ដារចុចដែលមានមកស្រាប់ក្នុង Android 4.4 Kitkat អញ្ចឹងដែរ។
៙ ប្រៀបធៀបក្ដារចុច Google និងក្ដារចុច MultiLing Keyboard ៖
មើលតាមរូបភាពយើងឃើញថា ក្ដារចុចទាំងពីនេះមានលក្ខណៈពេញលេញប្រហាក់ប្រហែលគ្នា មានជួរឈរ និងជួរដេកដូចគ្នា គ្រាន់តែថារបស់ Google បង្ហាញគ្រាប់អក្សរដែលនៅលើក្ដារចុចធំៗជាង ឯ MultiLing Keyboard ថ្វីមិនបង្ហាញបានធំ តែមានបង្ហាញតួអក្សរដែលត្រូវចុច Shift ស្រេច ដោយគ្រាន់តែចុចឲ្យជាប់អាចវាយតួអក្សរនោះបានហើយមិនបាច់ចុច Shift ទេ។ ចំពោះខ្ញុំខ្ញុំយល់ថា MultiLing Keyboard ស្អាតជាង៕
No comments:
Post a Comment