ទាញយក​ឯកសារ SWF ដោយ​ប្រើ Firefox

ប្រភពៈ អាក្បាលធំ

 

ខ្ញុំ​សូម​លើក​យក​ពី​វិធី​ទាញ​យក​ឯកសារ SWF ដោយ​ប្រើ​កម្មវិធី Firefox ងាយស្រួល​ប្រើ មិន​ចាំបាច់​រក​កម្មវិធី​អ្វី​ផ្សេង​នោះ​ទេ។ នៅ​ពេល​ដែល​លោក​អ្នក​ ចូល​មើល​អត្ថបទ​ក្នុង​​តំបន់​បណ្ដាញ​នានា ឃើញ​ដាក់​ឯកសារ SWF ដែល​អ្នក​ចង់​បាន​នោះ គន្លឹះ​នេះ​គឺ​ល្អ​​សម្រាប់​អ្នក​ដែល​មិន​ទាន់​ចេះ​ក្នុង​ការ​​ទាញ​យក​ឯកសារ ​។  សូម​មើល​ពី​វិធី​ទាញ​យក SWF ដូច​ខាង​ក្រោម​នេះ៖

អំពី​ឯកសារ SWF : គឺ​ស្ថិត​ក្នុង​ត្រកូល Flash ពាក្យ​ពេញ​គឺ Shockwave Flash Movie ជា​ប្រភេទ​ឯកសារ​មាន​ចលនា​បង្កើត​ដោយ Adobe Flash។ ជា​ការ​លាយ​បញ្ចូល​អក្សរ រូបភាព​ជា Vector និង Raster ដោយ​មាន​ការ​ដាក់​បញ្ជា​ដោយ​ ActionScript ដើម្បី​​កំណត់​ចលនា​នានា គោល​បំណង​ដែល​បង្កើត SWF គឺ​សម្រាប់​បង្កើត​ចលនា​ផ្សេងៗ​ក្នុង​គេហទំព័រ ដែល​ភាសា​ផ្សេងៗ​ទៀត​មិន​ងាយ​បង្កើត។ ទាល់​តែ​មាន Flash plug-in ទើប​កម្មវិធី browsers អាច​ដំណើរ​ការ​ SWF បាន។ មុន​ដំបូង Flash បង្កើត​ដោយ​ក្រុមហ៊ុន Macromedia តែ​លក់​ទៅ​អោយ Adobe system ក្នុង​ឆ្នាំ 2005 ឥឡូវ​ពាក្យ​ថា Macromedia Flash ត្រូវ​បាន​ជំនួស​មក​វិញ​ថា Adobe Flash។

   ជា​ឧទាហរណ៍​ ខ្ញុំ​សូម​លើក​យក​ពី​របៀប​ទាញ​យក រូប​ទូរស័ព្ទ 360 ដឺក្រេ ដែល​មាន​ក្នុង តំបន់ បណ្ដាញ GSMArena.com យក​មក​អនុវត្តន៍។
- ចូល​ទៅ​គេហទំព័រ GSMArena
- ចូល​ទៅ​កាន់​ក្រុម​ទូរស័ព្ទ​ណា​មូយ (ឧទាហរណ៍ Sony Ericsson) រួច​ចុច​លើ​​រូប​​ទូរស័ព្ទ​​ណាមួយ (ឧទាហរណ៍ Sony Ericsson Xperia PLAY)

Sony Ericsson

-ចុច​លើ 360⁰ View ដើម្បី​ចូល​មើល​រូប​ទូរស័ព្ទ ដែល​ជា​ឯកសារ SWF

 
-ម៉ៅ​ស្តាំ​លើ​ទីតាំង​ទទេ​ជ្រើស​យក "មើល​ព័ត៌មាន​ទំព័រ"

- ចុច​លើ​ផ្ទាំង​ "មេឌៀ" រួច​រក​មើល​ឯកសារ SWF ដែល​មាន​ទំហំ​ច្រើន KB  រួច​ចុច "រក្សាទុក​ជា..."

រក​មើល SWF ដោយ​ខ្លួន​ឯង​ដោយ​មើល​លើ​តំណ និង ទំហំ​ឯកសារ

- រើស​ទីតាំង​រក្សា​ទុក​ឯកសារ​ក្នុង​កុំព្យូទ័រ​របស់​អ្នក ជា​ការ​ស្រេច។

បន្ថែម : បើ​អ្នក​មិន​ដឹង​ថា​ត្រូវ​បើក​មើល SWF ដោយ​កម្មវិធី​ណាមួយ​នោះ សូម​ប្រាប់​ថា Browser ទូទៅ​អាច​បើក​មើល SWF បាន​៕

អត្ថបទ​ទាក់ទង៖

- របៀប​បង្ហោះ​និង​ដាក់​បង្ហាញ​ឯកសារ SWF ក្នុង​ប្លក
- 5 កម្មវិធី Download Manager ​ប្រើ​មិន​គិត​ប្រាក់​
- មិន​ចាំបាច់ Update កម្មវិធី Internet Download Manager (IDM) ក៏អាច​​ដើរ​បាន​ត្រឹមត្រូវ​​ជាមួយ Firefox ដែរ!