Sok Kim Eng: របៀបបើក ClearType ជួយអោយតួអក្សរដិតច្បាស់ក្នុង Windows 7

ប្រភពៈ អាក្បាលធំ

បើនិយាយទៅកាន់ជំនាន់ Windows XP វិញ គេបង្កើតនិងប្រើប្រាស់ ClearType សម្រាប់អ្នកប្រើ Monitor ប្រភេទ LCD screens។ តែឥឡូវ ClearType គឺជាផ្នែកមួយរបស់ Windows 7 ដែលមិនអាចខ្វះបានទេ ព្រោះអី Monitor គូថធំ គេលែងប្រើនិងឈប់ផលិតហើយ គេប្រើតែ LCD និង LED ដូច្នេះ ClearType គឺមាននាទីសំខាន់ណាស់ សំខាន់អីទៅ? តើអ្នកដឹងអំពីមុខងាររបស់វាដែរអត់? ចាំខ្ញុំប្រាប់៖

- ClearType : គឺជាបច្ចេកទេសមួយដែលធ្វើអោយ font អក្សរបង្ហាញលើអេក្រង់ LED មានសភាពច្បាស់ល្អ មិនប្រផេះៗ បើយើងមិនប្រើ ClearType នេះទេនោះយើងនឹងជួបប្រទះអក្សរបង្ហាញលើអេក្រង់មិនច្បាស់ និងបង្ហាញមិនត្រូវទំរង់ដើមនៃតួអក្សរ។

សូមបើក ClearType ប្រើដើម្បីជួយអោយតួអក្សរបង្ហាញចេញមកច្បាស់ៗ ត្រូវចិត្ត ត្រូវភ្នែកលោកអ្នក សូមមើលរបៀបប្រើ ClearType ដូចខាងក្រោមនេះ៖

-ចុច ប៊ូតុង Start រួចវាយពាក្យស្វែងរកថា cleartype នោះយើងនឹងឃើញពាក្យថា Adjust ClearTYpe text សូមចុចលើវាទៅ (ចុចទៅចាំអង្កាល់ទៀត យី!!)

-ចុចធីចលើ Turn on ClearType រួចចុច Next (សូមមើលរូបខាងក្រោម)

-ត្រង់ចំនុចនេះ បើអ្នកកំពុងប្រើ Monitor ចំនួន 2 គឺមានអោយអ្នកជ្រើសរើសយកមួយណា តែត្រូវរើសយកទាំង 2 ល្អជាង ។ បើមានតែ Monitor ចំនួនមួយវាបង្ហាញតែមួយនឹងឯង គ្មានអោយយើងរើសអីទេ :D រួចចុច Next (សូមមើលរូបខាងក្រោម)

នេះខ្ញុំមាន អេក្រង់តែមួយ

-រើសយកអាណាដែលអ្នកគិតថាច្បាស់ ខ្ញុំរើសយកខាងឆ្វេងដៃ ដោយសារតែវាបង្ហាញអក្សរបានច្បាស់ល្អ រួចចុច Next (សូមមើលរូបខាងក្រោម)

-ខាងក្រោមនេះគឺដល់ចំនុចដែលអាចអោយអ្នករើសយកមួយណាដែលអ្នក គិតថាបង្ហាញអក្សរបានល្អជាងគេ ខ្ញុំរើសយកអាដើមគេ ដោយសារតែវាច្បាស់ជាងគេ តែចំពោះអ្នកវិញសូមរើសយកមួយណាដែលត្រូវចិត្តរបស់អ្នកដោយវា បង្ហាញមិនដូចគ្នានោះទេ នៅកុំព្យូទ័រខ្ញុំវាបង្ហាញអញ្ចេះ នៅកុំព្យូទ័ររបស់អ្នកវាបង្ហាញផ្សេងទៅវិញ ដូចនេះសូមរើសយកដោយការប្រៀបធៀបគ្នា។ រួចចុច Next (សូមមើលរូបខាងក្រោម)

រូបនេះគ្រាន់តែជាឧទាហរណ៍ទេ

-ដល់ចំនុចនេះវាអោយរើសទៀត បងប្អូនប្រាកដជាឆ្ងល់ថា ចុះវាថីវា!! បានជាអោយរើសហើយរើសទៀតដូច្នេះ រើសអីក៏ច្រើនម្ល៉េះលោកម្ចាស់!!! ខ្ញុំក៏មិនដឹងដែរ វាអោយរើសចេះតែរើសតាមវាទៅកុំប្រកែក :D ។ រើសហើយ សូមចុច Next (សូមមើលរូបខាងក្រោម)