Add-on របស់ Firefox គឺជាកម្មវិធីជំនួយបន្ថែមដើម្បីបំពេញមុខងារខ្វះខាតដែល Firefox ដើមមិនទាន់អាចធ្វើបាន វាមិនខុសពី Plug-in របស់កម្មវិធី Adobe Photoshop ដែលជំនួយបន្ថែមនោះទេ, បើនិយាយពី Plug-in ដែលប្រើជាមួយ Adobe ជំនាញៗមានតំលៃដល់រាប់រយរាប់ពាន់ដុល្លារឯណោះ គឺថ្លៃជាងកម្មវិធីមេទៅទៀត។ ចំណែក Add-on របស់ Firefox វិញភាគច្រើនណាស់គឺ Free និងមានទំហំតូច។
៙ វិធីទាញយក Add-ons របស់ Firefox ៖
- បើកកម្មវិធី Firefox >> ចុចលើឆ្នុច Firefox >> កម្មវិធីបន្ថែម។
- នោះផ្ទាំងកម្មវិធីគ្រប់គ្រងកម្មវិធីជំនួយបន្ថែម បានលេចឡើង។ លោកអ្នកអាចវាយពាក្យស្វែងរកបើសិនជាស្គាល់ Add-on ណាមួយ តែបើមិនដែលស្គាល់អីនោះ លោកអ្នកស្វែងរកនៅទីនោះបាន គេមានពន្យល់ពីមុខងាររបស់ Add-on ស្រាប់។
- នៅផ្តាំង Add-ons ក្នុងកម្មវិធី Firefox មានចែកចេញជា 4 ផ្ទាំងគឺ៖
- យកកម្មវិធីបន្ថែម : សម្រាប់លោកអ្នកដែលកំពុងភ្ជាប់អ៊ីនធឺណិតប្រើ វានឹងបង្ហាញទំព័រ Add-ons ដែលប្រហាក់ប្រហែលនឹងទំព័រ Add-ons នៅលើគេហទំព័រ Firefox ដែល។
- ផ្នែកបន្ថែម : គឺដាក់បង្ហាញ Add-ons ណាដែលលោកអ្នកបានដំឡើងរួចហើយ និងអនុញ្ញាតិឲ្យផ្អាកដំណើរការសិន ឬលុបចេញវិញបាន។
- រូបរាង : គឺជាផ្ទាំង ទុកដាក់ Theme (ស្បែក) ដែលអ្នកបានដំឡើងរួចងាយស្រួលផ្លាសប្ដូរ (មិនខុសពីទូរស័ព្ទដែលមាន Theme អាចដូរបាននោះទេ)។
- កម្មវិធីជំនួយ : គឺជា កម្មវិធីជំនួយដែលដំឡើងដើម្បីសម្រួលដល់ការបើកមើលគេហទំព័រ និងជាការតភ្ជាប់ជាមួយកម្មវិធីដែលបានដំឡើងក្នុង Windows របស់លោកអ្នក។
- ឧទាហរណ៍ : លោកអ្នកចង់ទាញយក Add-on មួយឈ្មោះថា Image and Flash Blocker ។
- ដោយចូលដល់ទំព័ររបស់ Image and Flash Blocker ហើយ, លោកអ្នកប្រាកដជាឃើញឆ្នុចដែលដាក់អក្សរថា Add to Firefox។ បើចុចលើវាមានន័យថាលោកអ្នកចង់ដំឡើងវា តែបើចង់ទាញយកទុកក្នុងកុំព្យូទ័រ ដើម្បីដំឡើងនៅពេលក្រោយទៀតនោះ លោកអ្នកត្រូវ៖
- ចុចម៉ៅស្តាំលើឆ្នុច Add to Firefox ជ្រើសយក រក្សារទុកតំណជា...
- រួចជ្រើសដាក់ក្នុងទីតាំងណាមួយក្នុងកុំព្យូទ័ររបស់លោកអ្នក (ឧទាហរណ៍អ្នកត្រូវបង្កើតថតឯកសារមួយដែលមានឈ្មោះថា Add-ons Firefox ដើម្បីងាយស្រួលចំណាំ។
ចំណាំ ៖ Add-on របស់កម្មវិធី Firefox មានកន្ទុយសំគាល់ *.XPI ។
- ចប់ការទាញយក Add-on របស់ Firefox។
៙ របៀបដំឡើង Add-on Firefox ពីក្នុងកុំព្យូទ័ររបស់លោកអ្នក ៖
វិធីដំឡើងតាមធម្មតា ៖- ចុចបើកកម្មវិធី Firefox >> ចុចលើឆ្នុច Firefox >> កម្មវិធីបន្ថែម។
- ចុចលើរូបតំណាង ឧបករណ៍សម្រាប់កម្មវិធីបន្ថែមទាំងអស់ រួចជ្រើសយក ដំឡើងកម្មវិធីបន្ថែមពីឯកសារ (S)... ។
- ចូលទៅរក Add-on ដែលលោកអ្នករក្សាវាទុកក្នុងកុំព្យូទ័រលោកអ្នក រួចចុចបើកវា។ (សូមមើលរូបខាងក្រោម)
វិធីដំឡើងដែលងាយស្រួល ៖
- ចាប់ទាញឯកសារ Add-on ណាមួយដែលអ្នកចង់ដំឡើង យកទៅទម្លាក់ដាក់ក្នុងកម្មវិធី Firefox រួចធ្វើមានការទាមទាររបស់កម្មវិធីជាការស្រេច :D.។
- នោះកម្មវិធី Firefox និងបង្ហាញផ្ទាំងបញ្ជាក់ការដំឡើង Add-on ត្រូវរង់ចាំ 3 វិនាទីដើម្បីឲ្យ ឆ្នុច ដំឡើង ប្រែជា ឆ្នុចដំឡើងឥឡូវនេះ , ចុចដើម្បីដំឡើង។ (សូមមើលរូបខាងក្រោម)
- កម្មវិធី Firefox នឹងដំឡើង Add-on, បន្ទាប់ពីដំឡើងចប់ Firefox នឹងសួរលោកអ្នកថា ចាប់ផ្ដើមឡើងវិញឥឡូវនេះ ដើម្បីឲ្យ Add-on ដែលទើបតែបញ្ចូលអាចដំណើរការបាន។ (ជាអនុសាសន៍ សូមចុចដើម្បី ចាប់ផ្ដើម Firefox សាឡើងវិញ)
- ដើម្បីដឹងថា Add-on ដែលលោកអ្នកបានបញ្ចូលនោះដំណើរការត្រឹមត្រូវឬក៏គាំ ដោយចូលមើលត្រង់ផ្នែក ចុចលើឆ្នុច Firefox >> កម្មវិធីបន្ថែម។
**ស្វែងយល់បន្ថែមអំពី Image and Flash Blocker និង Add-on របស់កម្មវិធី Firefox ដទៃទៀត។
សង្ឃឹមថាការរៀបរាប់របស់ខ្ញុំធ្វើឲ្យលោកអ្នកងាយស្រួលយល់ និងអាចអនុវត្តន៍តាមបាន បើមានបញ្ហាត្រង់ណាអំពីគន្លឹះនេះ សូមដាក់ជាមតិ។ សូមអរគុណដែលបានចូលមើលប្លកអាក្បាលធំ ជាពិសេសសូមជួយចែករំលែកគន្លឹះនេះ ទៅកាន់មិត្តភក្ដិរបស់លោកអ្នកឲ្យគាត់បានដឹងផង៕
អត្ថបទទាក់ទង៖
- Firefox: កម្មវិធីត្រួតពិនិត្យអក្ខរាវិរុទ្ធខ្មែរ- របៀបកំណត់អោយ Firefox បង្ហាញអក្សរខ្មែរបានត្រឹមត្រូវ
- ទាញយកឯកសារ SWF ដោយប្រើ Firefox- [Firefox Add-On] : Tile Tabs បង្ហាញផ្ទាំងបើកគេហទំព័រនានាឲ្យនៅក្នុងផ្ទាំងតែមួយ
No comments:
Post a Comment