ប្រភពៈ អាក្បាលធំ
Windows 8
បានឲ្យឃើញពីការផ្លាស់ប្ដូររបស់ប្រព័ន្ធប្រតិបត្តិការធំបំផុតលើ
ពិភពលោកក្នុងសតវត្សដ៏លេចធ្លោរបស់ឧបករណ៍ចល័ត
ក៏ដូចជាការប្រើប្រាស់របស់អេក្រង់ប៉ះបញ្ជា បានធ្វើឲ្យ Microsoft
មានការខិតខំយ៉ាងខ្លាំងដើម្បីកុំឲ្យគេដើរទៅមុនដាច់ពីខ្លួន
ពេក ចំពោះបច្ចេកវិទ្យាថ្មីនេះ។
ក្រុមហ៊ុនក៏ជួបប្រទះនូវផលវិបាកយ៉ាងខ្លាំងចំពោះការប្រើអង្គ
សម្រួលកណ្ដាលគឺ CPU ប្រភេទ chip ARM ជាលើកដំបូង
សម្រាប់ការងារចល័តដែលធ្វើឲ្យ Windows មានបន្ថែមលក្ខណៈពិសេសជាងគេ
ឬធ្វើយ៉ាងណាដើម្បីឲ្យអ្នកប្រើអាច ធ្វើការបានទាំងកុំព្យូទ័រ និង
tablet នៅលើប្រព័ន្ធប្រតិបត្តិការតែមួយគត់។
Windows 8 មានការផ្លាស់ប្ដូរជាច្រើនលើវិធីបើកពីផ្ទៃប្រសព្វ
ហើយនៅតែអាចប្រើបានលើបរិស្ថាន Desktop សម្រាប់ធ្វើការងារដូចជា
Windows 7 ដែរ។ មនុស្សជាច្រើននិយាយតែពីផ្ទៃប្រសព្វ Modern UI
ថាជារបស់តែមួយគត់ដែល Windows 8 ផ្ដល់ឲ្យចំពោះបណ្ដាម៉ូដែល laptop
ឬកុំព្យូទ័រដាក់លើតុទូទៅ ដែលមិនអាចប្រើមុខងារប៉ះបញ្ជាបាន
ក៏ប៉ុន្តែប្រព័ន្ធប្រតិបត្តិការថ្មីរបស់ Microsoft មួយនេះ
នៅមានមុខងារជាច្រើនទៀតដែលយើងគួរស្វែងយល់។
ខាងក្រោមនេះគឺជាមូលហេតុនាំឲ្យយើងចង់ដំឡើងជំនាន់ទៅ Windows 8 ៖
៙ Windows 8 មានតម្លៃថោកជាងមុន៖
អ្នកប្រើតែងតែចង់បាននូវផលិតផលថ្មី បច្ចេកទេសថ្មី
តែមានតម្លៃថោក ពេលនេះបើសិនជាអ្នក ជាអ្នកប្រើ Windows
មានអាជ្ញាប័ណ្ណដូចជា Windows XP, Vista ឬ 7 នោះអ្នកអាចទិញ Windows 8
ក្នុងតម្លៃពិសេសត្រឹមតែ 39,99 USD ហើយចំពោះម៉ាស៊ីនដែលបានដំឡើង
Windows 7 ទើបទិញពីពាក់កណ្ដាលខែមិថុនាមុនវិញ មានតម្លៃត្រឹមតែ 14
USD ទេ។
ដើម្បីងាយស្រួលប្រៀបធៀប Windows 7 Home Premium ពីមុនមានតម្លៃដល់ទៅ 120 USD សម្រាប់ថាស DVD កម្មសិទ្ធិ។
៙ Windows 8 លឿនជាង៖
ចំណាប់អារម្មណ៍ដំបូងរបស់ Windows 8 គឺរយៈពេលបើកនិងបិទម៉ាស៊ីន
លឿនជាពិសេសពេលប្រៀបធៀបវាជាមួយនឹងម៉ាស៊ីន Windows 7 ចាស់
ដែលប្រើអង្គផ្ទុកឯកសារប្រភេទ SSD
គឺប្រព័ន្ធថ្មីនេះប្រើពេលត្រឹមតែពាក់កណ្ដាលប៉ុណ្ណោះ។
ជាពិសេសបើវាស្ថិតនៅក្នុងស្ថានភាព hibernate នោះ
ការបើកឡើងវិញមានរយៈពេលត្រឹមតែ 5 វិនាទីទេ និងបើកពីស្ថានភាព
standby ប្រហែលមួយ ឬពីរវិនាទី។
ការពិសោធន៍ផ្សេងទៀតបានឲ្យឃើញថា Windows 8
ប្រើប្រាស់បានល្អជាមួយ Microsoft Office
ក៏ដូចជាកម្មវិធីកម្សាន្តចម្រុះ ឬកម្មវិធីការិយាល័យផ្សេងទៀត។
ក្រុមហ៊ុនក៏បានបន្តទៀតថា រយៈពេលប្រើថ្មសម្រាប់ដំឡើង
ប្រព័ន្ធប្រតិបត្តិការថ្មីក៏លឿនជាងជំនាន់មុខដែរ។
៙ ស្ដារឡើងវិញត្រឹមតែប៉ុន្មាននាទីប៉ុណ្ណោះ៖
Windows តែងតែមានដំណើរការយឺតក្រោយពេលប្រើប្រាស់អស់មួយរយៈពេលមក
ដោយសារមូលហេតុជាច្រើន។ បញ្ហាធំបំផុតគឺដោយសារតែ virus
ដែលកាន់តែវិវត្តជាងមុន, បណ្ដា file រក្សាបណ្ដោះអាសន្នលើប្រព័ន្ធ,
កម្មវិធីមិនបានការដែលបានដំឡើងលើវា... ដែលធ្វើឲ្យ Microsoft
នាំយកមុខងារថ្មីឈ្មោះថា "Reset your PC"
អនុញ្ញាតឲ្យអ្នកប្រើមានភាពងាយស្រួលចំពោះការស្ដារឡើងវិញនូវ
ប្រព័ន្ធប្រតិបត្តិការរបស់ខ្លួនដូចពេលទើបទិញតែក្នុងរយៈពេល 6
នាទី (ចំពោះ Windows 7 គឺ 30 នាទី)
ដែលពីមុនមុខងារនេះធ្លាប់តែមានលើទូរស័ព្ទចល័តនិងកុំព្យូទ័រ
បន្ទះ (tablet) តែប៉ុណ្ណោះ។
៙ ផ្ទៃប្រសព្វ Modern UI មិនត្រឹមតែសម្រាប់ប្រើជាមួយអេក្រង់ប៉ះបញ្ជា៖
ផ្ទៃប្រសព្វថ្មីរបស់ប្រព័ន្ធ Start Menu
មិនមែនគ្រាន់តែជាប្រអប់មួយនោះទេ
ដោយនៅខាងក្នុងវាមានការផ្លាស់ប្ដូរធំ បើទោះជាអ្នកប្រើមិនមែន
អេក្រង់ប៉ះបញ្ជាក៏ដោយ។
បណ្ដាញសង្គមនិងសេវាកម្មស្រដៀងគ្នាត្រូវបានបញ្ចូលស្រាប់
អនុញ្ញាតឲ្យអ្នកធ្វើសកម្មកាលបញ្ជីឈ្មោះពីគណនីផ្សេងៗ
បើកមើលព័ត៌មានតាម facebook ងាយនិងលឿនជាង។
បណ្ដាកម្មវិធីដូចជាព័ត៌មាន អាកាសធាតុ សំបុត្រអេឡិចត្រូនិក
ប្រក្រតីទិន... មានល្បឿនលឿនបំផុត
សមស្របជាមួយនឹងបណ្ដាម៉ូដែលកុំព្យូទ័រយួរដៃ
អេក្រង់តូចតម្រូវការខ្លាំងពីមុខងារចល័ត។
ក្រៅពីនោះ laptop
មួយចំនួនដែលអាចប្រើពហុចំណុចបច្ចុប្បន្ននេះក៏អនុញ្ញាតឲ្យអ្នក
ទាញយក driver ជួយឲ្យអ្នកប្រើធ្វើសកម្មភាពពហុចំណុចលើ Windows 8
ល្អជាង។ ឧបករណ៍ដូចជាកណ្ដុរ
ក្ដារចុចប៉ះបញ្ជាថ្មីដែលបានចេញមុខសម្រាប់ប្រើប្រាស់លើប្រព័ន្ធ
ប្រតិបត្តិការថ្មីនេះ។
៙ Windows 8 គឺជា Windows 7 បន្ថែមមុខងារចាប់អារម្មណ៍ជាច្រើន ៖
មនុស្សជាច្រើនបារម្មណ៍អំពីការដំឡើង Windows 8
នឹងពិបាកទម្លាប់ប្រើជាពិសេសគឺបណ្ដាកម្មវិធីមិនអាចប្រើបាន។
ក៏ប៉ុន្តែឆ្លងកាត់ការពិសោធន៍អស់ពេលដ៏យូរមក មានទាំងសម័យ Preview
និងផ្លូវការ បានឲ្យឃើញពីលទ្ធភាពប្រើប្រាស់បានជាមួយនឹងកម្មវិធី
ចាស់ៗស្ទើរតែទាំងអស់ ដោយមិនមានអ្វីខុសប្លែកគ្នាឡើយ។
បើសិនជាអ្នកមិនចង់ប្រើផ្ទៃប្រសព្វ Modern UI ថ្មីទេ
នោះអ្នកអាចប្រើបរិស្ថាន Desktop ដែលនាំឲ្យអ្នក
ត្រឡប់ទៅសកម្មភាពចាស់ តែមានល្បឿនលឿនជាងមុន។
Windows 8 នៅមានឃ្លាំងកម្មវិធីដែលឲ្យអ្នកងាយស្រួលដំឡើង បច្ចុប្បន្នកម្មវិធីស្ទើរតែទាំងអស់គឺមិនគិតលុយទេ៕
______________________
អត្ថបទដើមពី :
ITKhmer.net
អត្ថបទទាក់ទង៖
-
របៀបកែប្រែរូបរាង Windows 8 ជាមួយ Skin Pack
-
គ្រាប់ចុចផ្លូវកាត់របស់ Windows 8 និង Windows RT
-
កំពូលកម្មវិធី Disk Defragmenter ទាំង 10 ប្រចាំឆ្នាំ 2012
-
ដាក់តំណថតឯកសាររបស់អ្នកចូលទៅកាន់ Favorites ក្នុង Windows 7
-
បន្ថែម Copy To / Move To ទៅក្នុង Right-Click Menu
-
បិទឬបើកផ្ទាំងសួរនាំនៅពេលលុបឯកសារក្នុង Windows 8
-
ប្រើល្បឿនគ្រឿងរឹងទាំងអស់ដើម្បីបង្កើនល្បឿន Boot Windows
-
របៀបដកចេញផ្ទាំង Metro UI របស់ Windows 8
No comments:
Post a Comment