មកដល់សម័យនេះ ការទាញយកឯកសារដូចជា Video ចម្រៀង MP3
លែងចោទជាបញ្ហាទៀតហើយ ព្រោះមានវិធីងាយៗ ស្រាប់ៗ
ដោយគ្រាន់តែដំឡើងកម្មវិធីបន្ថែមចូលតែប៉ុណ្ណោះ។
ប្លកអាក្បាលធំសូមបង្ហាញជូនវិធី 2
សម្រាប់ទាញយកឯកសារវីដេអូចេញពីគេហទំព័រ Youtube
និងពីគេហទំព័រនានាដែលគេបានដាក់ឲ្យ Play លើទំព័រនោះ។
សូមមើលតាមការបង្ហាញជូនខាងក្រោម៖
៙ វិធីដែលគេដឹងឮអស់ហើយ ដោយប្រើកម្មវិធី IDM ៖
Internet Download Manager ហៅកាត់ថា IDM នោះគឺជាកម្មវិធីទាញយកដែលពេញនិយមជាងគេ ដោយសារកម្មវិធីមួយនេះមានទំហំតូច ងាយស្រួលប្រើ មិនសូវជួបបញ្ហា error ឡើយ។ កម្មវិធីនេះតម្រូវឲ្យយើងទិញវា យកមកប្រើប្រាស់ តែខ្ញុំជឿថា 100% នៃអ្នកប្រើ IDM នៅស្រុកខ្មែរអត់ទិញវាទេ គឺលួចគេប្រើ :D ។រូនបង្ហាញពីការទាញយកដោយប្រើ IDM |
ចំណាំ ៖ មានមនុស្សជាច្រើនតែងតែជួនបញ្ហា IDM មិនដំណើរការនៅក្នុង Browser ទេ នោះមកពី កូនកម្មវិធី IDM CC ដែលមានមុខនាទីធ្វើឲ្យដើរជាមួយ Browser មិនទាន់ដំឡើងឬ មិនដើរដោយសារខុសស៊េរីគ្នា បើមានបញ្ហាដំឡើង IDM ហើយមិនដើរជាមួយ Firefox នោះសូម មើលគន្លឹះនេះ នោះអ្នកនឹងអស់បញ្ហាជាមិនខាន។
៙ ដំឡើង Add-on ក្នុង Browser ដើម្បីអាចទាញយកវីដេអូបាន ៖
ក្នុងពេលនេះជម្រើសសម្រាប់អ្នកមិនដឹងពីការទាញយកកម្មវិធី IDM ឬក៏ខ្ចិលប្រើ IDM ដើម្បីទាញយកវីដេអូពីក្នុង Youtube នោះ ពួកគេបានងាកមកប្រើកូនកម្មវិធីបន្ថែមក្នុង browser វិញ ព្រោះវាងាយស្រួល និង Free ថែមទៀតផង។- សម្រាប់ Firefox សូមទាញយក Add-on ឈ្មោះ Easy YouTube Video Downloader
- ចុចលើ +Add to Firefox ដើម្បីដំឡើង សូមធ្វើតាមការទាមទាររបស់កម្មវិធី។
- ចំពោះ Add-on មួយនេះមិនតម្រូវឲ្យធ្វើការ restart កម្មវិធី Firefox ទេ។ បន្ទាប់ពីលោកអ្នកដំឡើងចប់ហើយ ចូលទៅគេហទំព័រ Youtube.com រួចចុចមើលវីដេអូណាមួយ ហើយសាកទាញយក
ការទាញយកតាម Easy YouTube Video Downloader ក៏ស្រួលម៉្យាងដែរ ព្រោះមិនខ្វល់ពីការរកកម្មវិធីដែលគេលក់ដូរនោះទេ មានរបស់ Free ប្រើរបស់ Free ទៅ។ តែចំពោះខ្ញុំ ខ្ញុំប្រើ IDM វិញ។
៙ ការពឹងគេហទំព័រ www.keepvid.com ឲ្យជួយទាញយក ៖
ការទាញយកប្រភេទនេះគឺយើងមិនបាច់ដំឡើងកម្មវិធីអ្វីទាំងអស់ ព្រោះយើងខ្ចីដៃគេហទំព័រ ដើម្បីទាញយកបន្តវិញ។ សូមចូលទៅ www.keepvid.com រួចចម្លងតំណរបស់វីដេអូអាមួយដែលអ្នកចង់ទាញយក ដាក់ចូលរបាទាញយករបស់ keepvidចំណាំ ៖ ការប្រើ keepvid ដើម្បីធ្វើការទាញយកគឺវាងាយស្រួលត្រង់ថា ពេលលោកអ្នកទៅហាងអ៊ីនធឺណិតដែលគេមិនអនុញ្ញាតឲ្យប្រើកម្មវិធី IDM នោះ មានតែប្រើតាម www.keepvid.com នេះទេទើបអាចទាញយកបាន។ តែកុំព្យូទ័រនោះតម្រូវឲ្យមានកម្មវិធី Java Runtime Environment ទើបអាចដំណើរការបាន។
អត្ថបទទាក់ទង ៖
- 5 កម្មវិធី Download Manager ប្រើមិនគិតប្រាក់- របៀបទាញយក Add-ons របស់ Firefox ទុកដំឡើងនៅពេលគ្មានអ៊ីនធឺណិត
- របៀបប្រើ IDM ទាញយកឯកសារពី Torrent ដោយល្បឿនលឿន
- ស្វែងរកនិងទាញយកចំរៀងចេញពី 4Shared ដោយប្រើ IDM
- ទាញយកឯកសារ SWF ដោយប្រើ Firefox
No comments:
Post a Comment