៙ របៀបបិទ Lock Screen តាមរយៈ Local Group Policy Editor ៖
- របៀបបិទនេះគឺត្រូវប្រើ Local Group Policy Editor ដូច្នេះសូមបើកវាដោយចុចគ្រាប់ចុច Win + R ព្រមគ្នាដើម្បីបើកមុខងារ Run រួចវាយពាក្យថា gpedit.msc ក្នុងប្រលោះ Open: និងចុច Enter។ (សូមមើលរូបខាងក្រោម)
-ពេលនោះផ្ទាំង Local Group Policy Editor នឹងបង្ហាញឡើង, លោកអ្នកត្រូវចូលទៅកាន់ទីតាំងតាមអាសយដ្ឋាននេះ ៖
Computer Configuration -> Administrative Templates -> Control Panel -> Personalization
- រួចចុចផ្ទួនលើពាក្យ "Do not display the lock screen" ដើម្បីបើកការកំណត់។ (សូមមើលរូបខាងក្រោម)
- ជ្រើសយក "Enabled" ដើម្បីកំណត់ឲ្យបិទមុខងារ Lock screen រួចចុច Apply >> OK ជាការស្រេច។ (សូមមើលរូបខាងក្រោម)
ចំណាំ ៖ បើលោកអ្នកចង់ឲ្យមុខងារ Lock Screen ត្រឡប់មកដូចដើមវិញ ដោយគ្រាន់តែជ្រើសយក "Not Configured" ឬ "Disabled" ជាការស្រេច។
៙ របៀបបិទ Lock Screen តាមរយៈ Registry Editor ៖
- របៀបមួយនេះគឺយើងចូលទៅបង្កើតតម្លៃ registry មួយដើម្បីបិទមុខងារ Lock Screen ដោយនៅត្រង់ Search Apps ត្រូវវាយពាក្យថា regedit នោះរូបតំណាងកម្មវិធី Registry Editor បង្ហាញឡើង សូមចុចលើវា។ (សូមមើលរូបខាងក្រោម)
- មួយវិញទៀតលោកអ្នកក៏ចូលប្រើ Registry Editor តាមរយៈ Run បានធម្មតាដែរ ដោយចុចគ្រាប់ចុច Win + R ព្រមគ្នា, រួចវាយពាក្យថា regedit ក្នុងប្រលោះ Open: និងចុច Enter។ (សូមមើលរូបខាងក្រោម)
- លោកអ្នកត្រូវចូលទៅកាន់ទីតាំងតាមអាសយដ្ឋាននេះ ៖
HKEY_LOCAL_MACHINE\SOFTWARE\Policies\Microsoft\Windows\Personalization
- ប្រសិនបើអ្នកមិនឃើញមានតម្លៃ Personalization នោះទេ, សូមចុចកណ្ដុរស្តាំលើតម្លៃ "Windows" ជ្រើសយក New >> Key ដោយដាក់ឈ្មោះថា Personalization ។
- បន្ទាប់មកទៀត ត្រូវបង្កើតតម្លៃ DWORD value ដោយចុចកណ្តុលស្ដាំនៅផ្ទៃទំនេរផ្នែកខាងស្ដាំជ្រើសយក New >> DWORD value ដោយដាក់ឈ្មោះថា NoLockScreen ។
- ចុចផ្ទួនលើ NoLockScreen រួចដាក់តម្លៃ 1 នៅត្រង់ប្រលោះ value name: ដើម្បីបញ្ជាឲ្យបិទមុខងារ Lock Screen ។
- ជាកិច្ចបង្ហើយត្រូវបិទកម្មវិធី registry editor និងត្រូវចាប់ផ្ដើមម៉ាស៊ីនសាឡើងវិញជាការស្រេច។
ចំណាំ ៖ បើលោកអ្នកចង់ឲ្យមុខងារ Lock Screen ត្រឡប់មកដូចដើមវិញ ដោយគ្រាន់តែដូរតម្លៃ 1 ទៅជាតម្លៃ 0 (សូន្យ) វិញ។
៙ វិធីបិទ Lock Screen តាមផ្លូវកាត់ ៖
- វិធីវិញមួយនេះគឺលឿន និងមិនសាំញ៉ាំ តែត្រូវការអ៊ីនធឺណិតដើម្បីទាញយកឯកសារតម្លៃ registry យកមកដំឡើងជាការស្រេចសូមមើល ៖- ត្រូវទាញយកឯកសារ registry ដែលមានមុខងារបង្កើតតម្លៃ registry ដោយស្វ័យប្រវត្ត Download DisableLockScreen.zip
- ពន្លាវាដោយកម្មវិធី Winzip ឬ Winrar.... ។
- រួចចុចផ្ទួន លើឯកសារដែលមានឈ្មោះថា DisableLockScreen.reg ដើម្បីដំណើរការបិទមុខងារ Lock Screen ។
- នោះផ្ទាំងសួរបញ្ជាក់របស់ Redistry Editor នឹងបង្ហាញឡើង សូមចុច Yes ដើម្បីប្រតិបត្តិ។
ចំណាំ ៖ បើលោកអ្នកចង់ឲ្យមុខងារ Lock Screen ត្រឡប់មកដូចដើមវិញ ដោយគ្រាន់តែ ដំណើរការឯកសារឈ្មោះថា EnableLockScreen.reg ជាការស្រេច។
វិធីទាំង 3 ខាងលើគឺសុទ្ធតែមានគោលបំណងដូចគ្នា គ្រាន់តែការអនុវត្តន៍ខុសគ្នា បើគិតថាមួយណាងាយស្រួលសូមធ្វើតាមមួយនោះចុះ៕
អត្ថបទទាក់ទង ៖
- គ្រាប់ចុចផ្លូវកាត់របស់ Windows 8 និង Windows RT- WinaeroGlass ធ្វើឲ្យស៊ុម Windows 8 ថ្លាដូចកញ្ចក់
- ចង់បាន Skin Pack សម្រាប់ដូររូបរាង Windows 7 ដែរទេ?
- បន្ថែម Copy To / Move To ទៅក្នុង Right-Click Menu
- យកល្បឿនអ៊ីនធឺណិត 20% ពី Windows មកបង្គ្រប់វិញ
No comments:
Post a Comment